Gjenbruk av gamle rammer!

Eg har hatt to rammer liggande i boda ei stund.

Dei var kjøpt på Kremmerhuset for maaange år sidan, og hadde blitt litt "utdatert".

Den største av dei to rammene har no eit svart/kvitt bilete klipt ut av ein H&M-katalog.

I den minste ramma har eg eit bilete av ein gammal sykkel, teke på gata i Pisa.

Dette bilete har eit litt romantisk/nostalgisk preg over seg, og eg liker det kjempe godt!

Slik såg rammene ut før. Dei er djupe og hadde etniske figuerer som motiv. Dei var mørke og triste, og trengte nytt liv.

Skjenken har fått ein ny "look" etter at julepynten vart rydda vekk for eit par veker sidan.

Vårmotiver i rammene, litt spreke farger, og hekladuken laga av mi kjære mormor har kome fram.

No er eg klar for litt vår i lufta! :)

Prosjekt lampe!

Eg er veldig glad i å grave tak i gammalt skrot, for så å prøve å gi skrotet ein ny "look".

For eit par månader sidan fann eg ein gammal lampe gøymt vekk i kjellaren heime hos foreldra mine.

Eg hadde den ståande i vinterhagen ei stund.

Det tar av og til litt tid før eg bestemmer meg for kva eg skal gjere med ting og tang.

Men det blir til slutt!

Slik såg lampen ut før.

Lampen vart måla grøn.

Og fekk ein ny lampeskjerm frå Bohus. Tada! Då var lampen er ferdig!

Grønfargen på lampen passer perfekt i lag med den grøne tapeten på skuffene, så der blir den nok ståande ei stund! Ah, det er så kjekt med gjenbruk! :)

Kakefat blir smykke"skrin"!

Eit kakefat kan brukast til så mangt!
Eg falt pladask for dette kakefatet då eg var innom Indiska i går.

Etasjefatet er hjerteforma og er SUPERSØTT!

Funkar PERFEKT som smykke"skrin", tenkte eg når eg såg herlegheita!

Så no står det i all si pryd på kommoden på soverommet.

Og no slepp eg å stå irritert å grave i smykkeskrinet for å finne øyredobb nr 2 kvar morgon...;)

Lampeskjermen er også ny. Er ikkje den søt? Kjøpt på Åhlens.

Vart rett så flott syns eg!

Minner i rammer!

Då har rammene endeleg fått bilder i seg! To veker etter at hylla vart hengt opp...det har vore juleferie....ei fin unnskyldning for treigheit! ;)

Bilder frå sommerens fottur i Tafjordfjella, ein søndagstur til Alnes Fyr, sommerferien til Italia;

nokre av dei gode minna frå 2010.

Gjor seg!

Då er eg klar for 2011!

Kvaaaa skjeeeer?? 4. januar 2011 allereie???

Då er det vel på tide å ønske alle eit riktig godt nytt år!

Dagane flyg når ein har det moro! (Eller når ein er sjuk...)

Håper alle har hatt ei like fin jul som meg.

Eg har kosa meg med mykje god mat og drikke, mange fine presangar, gode stunder i lag med familien, flotte fjellturar i nydeleg vintervêr, og litt fest og moro :)

Så bestemte eg meg for å gå inn i det nye året med ei real forkjølelse...
No har eg begynt å friskne til att og er klar for å begynne kvardagen igjen i morga.

Det skal blir godt! Det er veldig kjekt med ferie, men det er jaggu godt med kvardag også!

Dette søte hjertet fekk av lillebroren min til julegåve.

Og eg har tydelegvis vore snill i år, for eg fekk så mykje fint! Eg fekk blandt anna ny tursekk. Det stod øverst på mi ønskeliste, og heldigvis for meg er uttynt og fekk ein frå foreldra mine ;) Eg fekk også nye rødvinglas med tilhøyrande karaffel, diverse utstyr til kjøkkenet, sengekle, hudlotioner osv. osv.

Eg hadde som sagt månge flotte fjellturar i nydeleg vintervêr denne jula. Det har vore eit fantastisk ski- og snowboardføre på Goaldet. Eg krysser fingrer og tær på at vi vil få meir av dette vêret før våren kjem! :) Her er nokre glimt av kor flott det er på sunnmøre når vi har skikkeleg vinter:

No er det berre å sjå fram til alle gleder 2011 bringer! Godt nytt år! :)

Goooood juuuul!!!

Julaftan er endeleg her!

Eg ELSKAR julaftan!

Jula skal tilbringast heime på Lepsøya.

Det blir mykje kos og moro i lag med familien i dagane framover! :)

Etter den heilage julefrokosten (naammmm), tok eg og pappa oss ein skitur til Storhaugen i nydeleg vintervêr. Det er så kjekt med kvit jul!

Det er jaggu ikkje ofte vi er så heldige på denne kanten av landet....

Ein nydeleg tur og ein fin start på julaftan!:)

God jul alle saman! :)

Ny hylle! Og litt til....

Eg har hatt denne hylla liggande ei stund,

med ein plan om å henge den under spegelen som henger over sofaen.

MEN den har vore feil farge...

No har eg endeleg makka meg til å måle den svart!

OG hengt den opp!

No gjenstår det berre å finne bilder til å ha i rammene.....

Ein sommerfugel frå Indiska (eg har vore ivrig på Indiska i det siste...) henger på ei av rammene. Den er i same mønster som julekulene eg kjøpte der for eit par veker sidan.

Denne søte elefanten er ei "julekule" frå Indiska....litt for alternativt for eit juletre etter min smak, men på badedøra passa den fint!

Eg har visst dilla på elefantar for tida...

Sjå den tøffe elefanten! Kr 99 på Indiska. Fiiiiin! :)

Eg har vore å handla julegåver i dag òg! Hihihihi!

Desse Mizuno løpeskoa var på halv pris, og då kunne eg berre ikkje la dei stå igjen i butikken!

Mitt gamle par er utslitt altså.... ;)

Litt meir julestæsj!

Sviblene som står i gangen er i ferd med å slå ut i full blomst!

Dei er så koselege! Dei gir meg skikkeleg julestemning:)

Den gule svibelen står i ei raud juleskål frå Jysk,

medan den lyseblå svibelen har fått plass ein vase frå Indiska.

Eg er forresten VELDIG glad for at Indiska endeleg har komt til Ålesund! Dei har så mykje artig!

Svibelen som står på kjøkkenbenken lar vente på seg.....

Sjå tøffe julekulene! Eg liker veldig godt den tradisjonelle julepynten, men det er artig med litt utradisjonelt òg. Desse etniske julekulene kjøpte eg på Indiska. Fargerike og lekre!

Og så til slutt: det er dyyyyyrt å handle julegåver!!

Reknar med det er fleire som har dette problemet:

På laurdag var eg å kjøpte 3 julegåver til kjente og kjære...

Og 7 til meg sjølv.....:P

Men berre ei (og ei halv) julegåve som må handlast inn igjen no!

GLER MEG TIL JUL! :)

Årets første sort i boks!

Då har eg fått baka årets første julekaker!

Maryland Cookies er ein favoritt, og er ein av dei 7 sortane kvart år.

Bortsett frå at det berre blir 3-4 sortar........;)

(Det skal etast også!)

Neste veke får eg besøk av nokre venninner for å spele julebingo,

ein fast tradisjon som vi starta med i fjor. Kjempe artig!

Så då må eg ha julekakene klar :)

Oppskrift Maryland Cookies:

(ca 20 stk)

75 g margarin

1,5 dl sukker

1 egg

2 dl kveitemjøl

1 ts vaniljesukker

1/2 ts salt

1 plate kokesjokolade (eg bruker litt mindre..)

100 g mandler

Rør smør og sukker luftig og lett, tilsett egget. Hakk mandlane og sjokoladen og ha i røra. Bland i resten av ingrediensane. Ha kakene på steikebrettet med ei spiseskei. Steik midt i omnen på 200 grader i ca 10 min. ENJOY!!

Puter!

Som dykk nok har oppdaga er eg veldig glad i den "gamle" stilen. Eg liker å mikse litt mellom gammalt og nytt, og blander gjerne møbler frå ulike tidsepoker.
Eg har lenge sikla på nokre puter på Hennes og Mauritz, og til slutt MÅTTE eg berre kjøpe dei...

Eg var litt usikker på fargane fordi eg visste dei ikkje ville passe i sofaen. Men putene var så lekre at eg fann ut at då må eg berre finne ein plass til dei! Det var vanskeleg å få med dei "riktige" fargane på bilde pga det glinsande stoffet i viskosefløyel, menmen..

Ei av dei lilla putene har fått plass i stolen eg trekte om for nokre veker sidan, meden dei to andre pynter opp golvet att med stolen. Stolen og putene passer veldig godt i lag! Nøgd!

Ei ny veke forbi...

Av og til går dagane så fort at eg lurer på kvar veka har blitt av!

Denne veka har vore slik for min del.....

Alt for månge timar har vore tilbragt på jobb, og kveldane har blitt brukt til nedvask, måling av tak og litt sosiale aktivitetar.

I dag har eg gjort INGENTING! Og det har vore ufatteleg deileg! :)

Tenkte eg skulle vise før og etter bilde av skjenken min:

Treverket på skjenken var slitt, og det trengte seg eit strøk måling. Den vart då svart for å matche veggen den står inntil. Hadde eg fått pussa opp stova på nytt hadde eg valgt ein anna tapet på denne veggen! Irriterande lite fargar som passer til tapeten! Men enn så lenge får den vere som den er...Eg er iallefall godt fornøgd med skjenken!

Eg ELSKAR utskjeringane som er på dørene på skjenken! FIIIIIIN!

No skal eg tenne lys, slenge beina på sofaen, pakke meg under eit pledd og sjå film. Ein fin søndag!

Tjukkeraggane har aller beste mormor strikka. Er ikkje dei fine vel??

Koseleg med tente lys og julestemning :)

"Ny" gang!

Då var gangen ENDELEG ferdig!

Det har gått smått, med mykje anna på dagsplanen siste veka.
Ikkje greit det for ei utolmodig sjel!

Før:

Etter:

Hattehylla har blitt bytta ut med fire knaggar (Europris), mens eg har hengt opp fire hyller frå Skeidar i hjørnet. Skoa har eg fått sortert ut, og då vart det med eitt litt ryddigare ;) Spegelen har blitt måla i ein lys lilla farge. Kommoden har blitt bytta ut med skohylle. Listene og taket har fått seg eit strøk kvitmåling.

Baderomsdøra har fått seg eit søtt lite hjerte, kjøpt på Indiska.

Over til høgre: dei tre krukkene er bruktfunn frå Gjenbruk. Dei to mønstra har eg behaldt som eg fann dei, mens den lilla vasen har eg spraya med lilla lack.

Over til venstre: På veggen henger tre gamle rammer, også frå Gjenbruk. Motivet er ein bildeserie av meg og min kjære lillebror framfor det skeive tårnet i Pisa.

Nissen på benken sørger for at det blir litt julekos i gangen også :)